فڕێی مەدەن
پێستی ئاژەڵیش پارە دەکات و رەوانەی تورکیا دەکرێت
964+
عەبدولعەزیز خالند – هەولێر
بەشێک لە هاوڵاتیان لەگەڵی قوربانیکردنی ئاژەڵان، پێستەکەی فڕێدەدەن، بێ ئاگا لەوەی ئەو بەشەی ئاژەڵیش بڕە پارەیەک دەکات و دەتوانن بیفرۆشنەوە.
مام جەبار لە مەیدانی ئاژەڵانی هەولێر قسەی بۆ مایکی 964 کرد و وتی، کاری ئەو بەس کڕینەوەی پێست و ریخۆڵەی ئاژەڵانە لەو هاوڵاتیانەی قوربانی دەکەن و ئاژەڵ سەردەبڕن.
ئاماژەی بەوەشکرد، پێست و ریخۆڵەی ئاژەڵەکان کۆ دەکاتەوە و رەوانەی تورکیا و وڵاتانەی دەرەوەی کوردستانیان دەکات، لەوێ بۆ جلوبەرگ و پێڵاو و هەندێک پێداویستی تر، کەڵکیان لێ وەردەگرنەوە.
پێداچوونەوە؛ شۆڕش قادری
