لە سلێمانی و لەیەک مانگدا

کارتی نشینگە بۆ پێنج هەزار و 600 پەنابەری سوریا نوێکرانەوە

2025-05-30 | 20:15

964+
ئەحمەد مستەفا

لە ماوەی مانگی ئایار و لە سلێمانی، پێنج هەزار و 600 پەنابەری سووری سەردانی نشینگەی پەنابەرانیان کردووە و کارتی نشینگەیان نوێ کردووەتەوە.

ئۆفیسەکە لەناو رێکخراوی گەشەپێدانی مەدەنیەت کارەکانی رایی دەکات، کە سەر بە بەڕێوەبەرایەتی نشینگەی سلێمانییە.

بە گوێرەی ئەو ئامارەی رێکخراوەکە بڵاویکردووەتەوە، لەماوەی 1.5.2025 بۆ 29.5.2025، پێنج هەزار و 600 کەس سەردانی بنکەی نشینگەی پەنابەرانی سوریایان لەناو ئۆفیسی رێکخراوی گەشەپێدانی مەدەنیەت CDO کردووە.

تەنیا لەو ماوەیەدا، هەزار و 590 خێزانی پەنابەر کە پێکهاتبوون لە پێنج هەزار و 600 کەس، سەردانی بنکەی نشینگەی پەنابەرانی سوریایان لەناو ئۆفیسی سەرەکی رێکخراوی CDO کردووە و کارتی نشینگەیان نوێ کردووەتەوە.