ئۆتۆمبێلەکەی وەرگەڕا و گیانی لەدەستدا - وێنە؛ وتەبێژی هاتوچۆی دهۆک
لە قەزای بەردەڕەش
مامۆستایەک ئۆتۆمبێلەکەی وەرگەڕا و گیانی لەدەستدا
964+
شۆڕش قادری
لە قەزای بەردەڕەشـی سەربە پارێزگای دهۆک مامۆستایەک ئۆتۆمبێلەکەی وەرگەڕا و گیانی لەدەستدا.
ئازاد تەها وتەبێژی بەڕێوەبەرایەتی هاتوچۆی دهۆک بە 964ـی وت، “کاتژمێر 12:30 خولەکی نیوەڕۆی ئەمڕۆ دووشەممە 26.5.2025 لەسەر رێگای سەرەکی ناحیەی رۆڤیا بۆ قەزای بەردەڕەش، نزیک گوندی جوجەر ئۆتۆمبێلێک وەرگەڕاوە”.
“لە رووداوەکەدا شۆفێری ئۆتۆمبێلەکە گیانی لەدەستدا و زیانی ماددیش بەر ئۆتۆمبێلەکە کەوت”، ئازاد تەها وای وت.
ئاماژەی بەوەشکرد، ئەو کەسەی گیانی لەدەستداوە، ناوی مەروان ساڵح و تەمەنی 42 ساڵە، خێزاندارە و چوار منداڵی هەیە و لە قەزای بەردەڕەش مامۆستا بووە.
بە رووداوی هاتوچۆ دایک و کچێک گیانیان لەدەست دا
