سلێمانى بێ ئاو بووە

964+

ئەحمەد مستەفا

لە کاتژمێر 3:00ی بەیانی ئەمڕۆوە یەکشەممەوە، لە هەردوو پڕۆژەکەی ئاوی دوکان – سلێمانی، دابەشکردنی ئاو بەسەر هاوڵاتیان بەهۆی بچڕانی کارەبا راگیراوە.

ئەو گەڕەکانەی ئەمڕۆ نۆرەی ئاویان بووە بە ئاگاداربن و بزانن.

ئاوی سلێمانی لە راگەیەندراوێکدا دەڵێت، لە کاتژمێر 3:00ی بەیانی ئەمڕۆ 25.5.2025، بەهۆی بچڕانی کارەبا لە هەردوو پڕۆژەی “یەک و دوو”ی ئاوی دوکان – سلێمانی دابەشکردنی ئاو لە هەردوو پڕۆژەکە راگیراوە.

ئاوی سلێمانی لە بارەی هۆکاری پچڕانی کارەبا دەڵێ، کێشە روویداوە و ئاماژە بەوەدەکات، تیمەکانی بەڕێوبەرایەتی کارەبایی سلێمانی سەرقاڵی چاکردنی کێشەکەن تا دابەشکردنی ئاو ئاسایی بێتەوە.

لە شاری سلێمانی نزیكەی 180 هەزار هاوبەشی ئاو هەیە، هەندێک بە بۆری ماڵان و هەندێکی دیکە لە رێگەی تانکەرەوە ئاویان پێ دەگات.

ئاوی سلێمانی: لە جیاتی ماڵەکە ئێمە شکاوی بۆرییەکمان چاک کردەوە

فەرمانبەرانی بەڕێوەبەرایەتی ئاوی سلێمانی گردبوونەوە