مەچن بۆ مامەڵە خەریکن کارەباکەی زەڕایەن بخەنەسەر شارەزوور

ئەحمەد مستەفا

لە هۆبەی فرۆشتنی وزەی ناحیەی زەڕایەن، مامەڵەی هاوڵاتیان راگیرا، ئەوەش بەهۆکاری یەکگرتنەوەی هەردوو هۆبەی فرۆشتنی وزەی کارەبای زەڕایەن و هۆبەی چاکسازی کارەبای شارەزوور.

راگرتنی مامەڵەکان، تا رۆژی یەکشەممە 25.5.2025 بەردەوام دەبێت.

بە گوێرەی راگەیەندراوی هۆبەی چاکسازی کارەبای شارەزوور، هاوڵاتیانی سنووری ناحیەی زەڕایەن،  کۆمەڵگای نەسڕ و لادێکانی و دەوروبەری، ئیتر بۆ مامەڵە دەبێت سەردانی باڵەخانەی هۆبەی چاکسازی شارەزوور بکەن و شتێک نامێنێ بەناوی هۆبەی فرۆشتنی وزە لە زەڕایەن.

هۆبەی چاکسازی کارەبای شارەزوور دەڵێ، لە رۆژی یەکشەممەوە مامەڵەکان دەستپێدەکاتەوە لە ناو هۆبەی چاکسازی کارەبای شارەزوور.