محەمەد ئەمین پێنجوێنی لە دیدارێکدا بۆ 964 چەند زانیارییەک دەدرکێنێ
پڕۆسەی ئاشتی چۆن سەریگرت و قۆناغەکانی دوای خۆهەڵوەشاندنەوەی پەکەکە چین؟
964+
دیلان محەمەد – سلێمانی
پڕۆسەی ئاشتی لە تورکیا چۆن سەریگرت و قۆناغەکانی دوای خۆهەڵوەشاندنەوەی پەکەکە چین، کورد وەتەنی ئەم هەویرە ئاو زۆر هەڵدەگرێ، بۆیە 964 دیدارێکی تایبەتی لەگەڵ محەمەد ئەمین پێنجوێنی سیاسەتمەدار و شارەزا لە کاروباری تورکیا ئەنجامداوە و وەڵامی چەند پرسیارێکی وەرگرتەوە.
پێنجوێنی لە ناو پۆلێک کتێب و ئەرشیفی نووسینەکانی چەند زانیارییەکی نەبیستراوی لەسەر گفتوگۆکانی نێوان عەبدوڵا ئۆجەلان سەرۆکی زیندانیکراوی پەکەکە و بەرپرسانی تورکیا ئاشکرا کرد و وتی، “زیاتر لە ساڵێکە کار بۆ پڕۆسەی ئاشتی لە تورکیا دەکرێت و کۆنگرەی 12ـی پەکەکەش لە لەکاتێکی هەستیاردا بەڕێوەچوو”.
باسی لەوەشکرد، هەرچەندە ئەمریکا وەک وڵاتێکی زلهێزێکی جیهان ئاگاداری کۆنگرەی پەکەکە و گەرەنتی پاراستنی کردبوو، بەڵام ئەندامانی ئەو حزبە هەر بە حەزەرەوە و لە دوو شوێن کونگرەکەیان ئەنجام داوە.
بە قسەی سیاسەتەمەدار بەئەزموونە سەرسپییەکە، ئێستا تۆپەکە لە ساحەی تورکیادایە، چونکە پەکەکە شەڕی وەستاندووە و چاوەڕێی کاردانەوەکانی ئەنقەرە دەکات.
پێداچوونەوە؛ شۆڕش قادری
پەکەکە لە کوێ و چۆن چەکەکانى دادەنێت
