زەوییەکانیان بەسەر فەرمانبەراندا دابەشدەکرێت
دانیشتوانى ژمارەیەک گوندى سلێمانى گردبوونەوە
964+
دیلان محەمەد جەزا
دانیشتوانی ژمارەیەک گوندى دەورووبەرى سلێمانى لە دژى دابەشکردنى زەوییەکانیان بەسەر فەرمانبەراندا، لەبەردەم بیناى پارێزگا گردبوونەوە و ناڕازین لەو بڕیارە.
ئەزوەر کەریم، دانیشتووى گوندى قەمەر تلى بە 964ـى وت،”حکومەت دەیەوێت زەوییە کشتوکاڵییەکانمان بەسەر فەرمانبەراندا دابەش بکات و قەرەبوویەکى زۆر کەممان بکاتەوە، بەڵام ئەوە دادپەروەرانە نییە”.
وەک ئەوەى گوندنشینان باسى دەکەن، زەوییەکانیان لە باپیرانیانەوە بۆیان جێماوە، تاکە سەرچاوەى بژێویانە، بۆیە ناکرێت بەبێ قەرەبوویەکى پێویست لەبن دەستیان دەربهێنن.
پێداچوونەوە: وریا فەتاح
