بە نرخی تەزبیحێک ئۆتۆمبێلێک بکڕە

ژووری هەواڵ

لەسەر رێگای هەولێر – مەخمور پێشانگایەکی ئۆتۆمبێلە بێسەرەتاكان هەیە کە هەرزانترین ئۆتۆمبێلەکانی لایە و ئۆتۆمبێلی لێیە، بە تەسبیحێک دەتوانی بیکڕێ و نرخەکەی تەنیا 300 دۆلارە.

لە هەر شەقام و ترافیک و کوچەو کۆڵانێکەوە ئەڕۆی یان منداڵ یان ژن و پیاوی دەرۆزەکەر دەبینی بەڵام ئیتر فەتوایان لە بارەوە بۆ دەرکرا و لیژنەی فەتوای هەرێم دەڵێت، هاوكاریكردنی دەرۆزەکەر، بەتایبەت منداڵان، ئەگەر شایستەی یارمەتی نەبن نادروسته و هاوكاریكردنیان ده‌بێته‌ مایه‌ی هاندانیان له‌سه‌ر ئه‌و كاره‌ به‌ده‌، لە فەتوا نوێیەکەدا هاتووە، كاری ده‌رۆزه‌كردن له‌ شه‌رعدا حه‌رامه‌ و نادروسته‌، مه‌گه‌ر بۆ كه‌سێك كه‌ به‌ ته‌واوی پێویست بێت و هیچ سه‌رچاوه‌یه‌كی داهاتی نه‌بێت و له‌ راستیدا هه‌ژارو نه‌دار بێت.

بەرێوەبەرایەتى ژینگەپارێزى هەولێر دەیەوێت سەگە بەڕەڵا و بێلانەکان بباتە پەناگەى سەگە بێلانەکان، بۆ ئەو کارەشى داوا لەو کەسانە دەکات کە کاریان نییە، سەردانیان بکەن تا گرێبەستیان لەگەڵ واژۆ بکەن و بۆ گرتنى هەر سەگێک 3 هەزار دیناریان پێدەدات، بەو پێیەش بێت رۆژانە 100 سەگ بگرە 300 هەزار وەبگرە

کەش بەرەو گەرمی دەڕوات و خەریکە ژیانی شارەکان ناخۆش دەبێت، بەڵام ناوجەی کوێستانی هەیە لە هەرێم ئێستاش سێ مەتر بەفری لێماوە.