کاریگەرییەکانی بێ بارانی دەرکەوتن
“ئەمساڵ بەرهەمی گەنم لە کوردستان کەم دەبێت”
964+
عەبدولعەزیز خالند – هەولێر
کەمی باران کاریگەری لەسەر دەغڵ و دانی جوتیارانی کوردستان بەگشتی دروستکردووە و بەقەسەی وەزیری کشتوکاڵ، ئەمساڵ جوتیاران گەنمی کەمیان دەبێت.
بێگەرد تاڵەبانی وەزیری کشتوکاڵ و سەرچاوەکانی ئاوی هەرێم لە لێدوانێکی تایبەتدا بۆ 964 وتی، “رێژەی کەمی بارانبارین کاریگەری لە ناوچە جیاجیاکانی کوردستان هەبووە و بەتایبەتیش ئەمساڵ بەرهەمهێنانی گەنم بەراورد بە ساڵی رابردوو کەمتر دەبێت”.
ئاماژەی بەوەشکرد، لێژنەی تایبەتیان هەیە کە ساڵانە بڕشتی جوتیاران دیاری دەکەن و بۆ ئەمساڵیش بەهەمان مکانیزمی ساڵانی پێشوو، لە سایلۆکان گەنمی جوتیاران وەردەگیرێت.
بێگەرد تاڵەبانی وتیشی، بەپێی رۆژمێری کشتوکاڵی، لە کاتی پێڕاگەیشتنی بەرهەمی خۆماڵی، بەرهەمی هاوردەکراو قەدەغە دەکەن و ئەو بەرهەمانەشی لە کوردستان کەم دەبنەوە، رێگە بە هاوردەکردنیان دەدرێت.
پێداچوونەوە؛ شۆڕش قادری
کەمی باران بارین؛ چاندنی ژمارەیەک جوتیاری دەشتی هەولێری راگرتووە
