دەست لێهەڵگیراوە
منداڵێکى تازەلەدایکبوو دۆزرایەوە
964+
بڕوا مەجید- سەدیسادق
منداڵێک کە تەمەنى تەنیا دوو رۆژە و لەلایەن کەسوکارییەوە دەستی لێهەڵگیراوە، دۆزراوەتەوە و ئێستا لە نەخۆشخانەى شەهید شەوکەتە لە سەیدسادق.
کەمال سەعدون، کارگێڕی ئێشگر لە نەخۆشخانەی گشتیی شەهید شەوکەت لەسەیدسادق بە 964ـى وت،”درەنگانێکى ئێوارەى ئەمڕۆ، منداڵێکى تازەلەدایکبوو لەسەر رێگاى ناحیەى بەرزنجە دۆزراوەیە و دواتر هێنرایە نەخۆشخانەکەمان”.
وەک ئەوەى باسى دەکات، منداڵەکە کچە و تەمەنى تەنیا دوو رۆژێک دەبێت و ئێستا لە نەخۆشخانە لەژێر چاودێرى تەندروستیدایە و بارودۆخى تەندروستیشى جێگیرە.
هەرچەندە ماوەیەکى کەمە دۆزراوەتەوە، بەڵام کەسێک چووە و داواى لەخۆگرتنى بۆ کردووە.
پێداچوونەوە: وریا فەتاح
