تیمەکانی رێگاوبان سەرقاڵی پاککردنەوەی رێگاکانن

باران و لافاو زیانی بە چەند رێگایەکی سۆران گەیاند

2025-05-06 | 14:00

964+

شۆڕش قادری

باران و لافاو زیانی بە چەند رێگایەکی سۆران گەیاند و تیمەکانی رێگاوبان سەرقاڵی پاککردنەوەی جادە و رێگاکانن.

خۆسرەت سادق بەڕێوەبەری چاککردنەوە و پاراستنی رێگاوبانی سۆران بە 964ـی وت، “لە دۆڵی مەلەک و ناحیەی سمێلان و وەرتێ، بەهۆی بارانی بەخوڕ و لافاو، قوڕ و لیتە هاتووەتە سەر چەند رێگایەک و لە ئێستاشدا تیمەکانمان سەرقاڵی پاکردنەوەی رێگاکانن”.

ئاماژەی بەوەشکرد، ئەو رێگایان دانەخراون و هاتوچۆکردن تێیاندا ئاساییە.