ئەمڕۆ و سبەینێش تاوە بارانە و شەو بە لێزمە دەبارێت

964+

وریا فەتاح

بەپێى پێشبینییەکانى کەشناسى، ئەمڕۆ و سبەینێ ئاسمان ئاسمان نیمچە هەور دەبێت و لە کات و شوێنى جیاوازدا تاوە باران دەبارێت، جگە لە دهۆکیش لەسەرجەم ناوچەکانى تر پلەکانى گەرما دادەبەزن.

وەک ئەوەى خراوەتەڕوو، بۆ ئەمڕۆ یەکشەممە، ئاسمان نیمچە هەور دەبێت لە گەڵ بارینى تاوە باران و هەورە تریشقە لە کات و شوێنی جیا جیا.

روونیشکراوەتەوە کە لە کاتەکانى شەودا ئەگەرى لێزمە باران و هەورە تریشقە هەیە لە ناوچەکانى باکورى هەرێم.

کەشناسى ئاماژەى بەوەشکردووە کە پلەکانى گەرما 2 پلەى سیلیزى بەراورد بە دوێنێ نزم دەبنەوە، تەنیا لە دهۆک نەبێت کە 2 پلەى سیلیزى بەرز دەبنەوە.

پلەکانی گەرما/نزم دەبێتەوە بە 2 پلەی سیلیزی بە بەراورد لە تۆمارکراوەکانی دوێنێ جگە لە پارێزگاى دهۆک 2 پلە بەرزتر دەبێتەوە.

کەشى سبەینێش وەک ئەمڕۆ پەڵەهەور دەبێت و لە ناوچەکانى باکور نیمچەهەور بۆ هەورى تەواو دەبێت کە لەگەڵیدا نمەباران و ئەورەتریشقەى لەگەڵ دەبێت بەتایبەت لە ناوچەکانى باکور و باکورى خۆرهەڵات.

بەرزترین پلەکانى گەرما بۆ سبەینێ دووشەممە:

هەولێر: 31 پلەی سیلیزی

سلێمانی : 30 پلەی سیلیزی

دهۆک : 31 پلەی سیلیزی

کەرکوک : 36 پلەی سیلیزی

زاخۆ : 31 پلەی سیلیزی

هەڵەبجە : 32 پلەی سیلیزی

سۆران : 29 پلەی سیلیزی

حاجی ئۆمەران : 19 پلەی سیلیزی

گەرمیان :37 پلەی سیلیزی

ئەمڕۆ و سبەینێ تاوەباران دەبارێت