نرخی کارەبای مۆلیدەی سیتییەکان بۆ مانگی چوار دیاریکرا

964+

لیژنەی باڵای دیاریکردنی نرخی کارەباى مۆلیدەی سیتییەکان کۆبووەوە و بڕیاریدا بە دیاریکردنی 262 دینار بۆ هەر کیلۆواتێک بۆ مانگی نیسان.

ئەمڕۆ دووشەممە 28.4.2025، بەڕێوەبەرایەتی کارەبای سلێمانی رایگەیاند، بەگوێرەی نرخی گازوایل لەبازاڕ و ئەو توێژینەوەیەی بۆ خەرجی موەلیدەی ستییەکان کراوە، نرخی کیلۆوات ئاوەڕێک کارەباى موەلیدەى ستییەکان بۆ ئەم مانگە بریتییە لە 262 دینار.

“هاوكات بۆ ئەو ستییانەش كە تاكە سەرچاوەی كارەبایان موەلیدەیە و كارەبای نشتیمانیان نیە نرخی كیلۆواتیان (233) دینارە”، کارەبای سلێمانی وا دەڵێت.

بەڕێوەبەرایەتییەکە داوا لە سیتییەکان دەکات پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە.

نرخى کارەباى سیتییەکانى سلێمانى دیاریکرا