لە ئیمامی زامن 30 تۆڕی راوچییەکان دەستی بەسەردا گیرا

ئەحمەد مستەفا

شەوی پێنجشەممە لەسەر هەینی 24.4.2025، کارمەندەکانی پۆلیسی دارستانی هەڵەبجە لە خاڵی چاودێری ئیمامی زامن و لەسەر دەریاچەی سیروان، دەستیان بەسەر 30ی تۆڕی ماسیدا گرت.

کارمەندەکان، بە مەبەسـتـی رێگریکردن لە دیاردەی راوی ماسـی لە ناوچەکە بوون، پـاش گـەڕان و پشکـنینێکی زۆر بەناو دەریاچەکەدا توانیان دەست بگرن بەسەر 30ی تـۆڕی ماسی گرتندا.

پۆلیسی دارستانی هەڵەبجە لە بارەی چالاکییەکەیان لە راگەیەندراوێکدا دەڵێت، تۆڕەکان لەناو دەریاچەکەدا دانرابوون بۆ راوکردنی ماسی لەسنوری عارەوان و چەمی زمکان و بانەبانان، وە سەرجەم تۆڕەکان ببوونە هۆی گرتنی کۆمەڵێک ماسی.

چەند ماسییەکیان زیندوو مابوونەوە و ئازادکراون و خراونەتەوە ناو دەریاچەکە، بەڵام نۆ دانە لە ماسییەکان مرداببونەوە و هێنراونەتەوە بۆ بۆبەشی پۆلیسی دارستان و ژینگەی هەڵەبجە، بۆ ئەوەی لەلایەن لێکۆڵەری بەشەوە دادوەری لێ ئاگاداربکرێت و رێ و شوێنی یاساییان بۆ بگرێتەبە.

+2