لە هەڵەبجە دوو شوێنکار سزا دران و خۆراکی ماوەبەسەرچووش دەستی بەسەرداگیرا - وێنە: بەڕێوەبەرایەتی تەندروستی هەڵەبجە
تیمەکانى تەندروستى پشوو ناناسن
لە هەڵەبجە دوو شوێنکار سزا دران
964+
شۆڕش قادری
تیمەکانی بەڕێوەبەرایەتی تەندروستی هەڵەبجە شەو و رۆژ و پشوویان بۆ نییە و گەڕانەکانیان بەناو بازاڕدا بەردەوامە، ئەمڕۆش چەند شوێنکارێکیان سزادا و دەستیشیان گرت بەسەر بڕێک خۆراکی ماوەبەسەرچوو.
ئومێد محەمەد بەرپرسی چاودێری تەندروستی لە بەڕێوەبەرایەتی گشتی تەندروستی هەڵەبجە بە 964ـی وت، “ئەمڕۆ هەینی 18.4.2025 تیمەکانمان، پشکنینیان بۆ ژمارەیەک خواردنگە و مارکێت و چەند شوێنکارێک کرد و دەستیانگرت بەسەر بڕێک خۆراکی ماوەبەسەرچوو”.
ئاماژەی بەوەشکرد، تیمەکانی چاودێری تەندروستی هەڵەبجە، سزای دارایی دوو شوێنکاریان داوە و چوار شوێنکاریش ئاگادار کردووەتەوە لەوەی کە ئەگەر پابەندی رێنماییەکان نەبن، سزا دەدرێن.
ئومێد محەمەد وتیشی، لەپێناو پاراستنی تەندروستی هاوڵاتیان، تیمەکانمان بەردەوام لە رۆژانی پشوو و 24 کاتژمێر، سەرقاڵی پشکنینی بازاڕ و شوێنە گشتییەکانن.
هەر دوکاندارێک پاشماوە و شوێنپێی مشک لە دوکانەکەی ببینرێت سزا دەدرێت
