باڵەخانەی پەروەردەی پێنجوێن، وێنە: سۆشیاڵ میدیا
بەفر دەوامی خوێندنگەکانی لە پێنجوێن راگرت
964+
هاوبەش ئەبوبەکر
بەهۆی بەفربارینی زۆر و نزمبوونەوەی پلەکانی گەرما بۆ پلەکانی ژێر سفری سیلیزی، دەوامی خوێندنگەکان لە سنووری قەزای پێنجوێن بۆ ئەمڕۆ یەکشەممە راگیرا.
بەڕێوەبەرایەتیی پەروەردەی پێنجوێن لە فەیسبووکی خۆیان رایانگەیاند، بەهۆی دروستبوونی ئاستەنگی هاتوچۆ و بارینی بەفرەوە، ئەمڕۆ یەکشەممە لە سەرجەم ناوەندەکانی خوێندن پشووە.
“بڕیارماندا بە راگرتنی دەوامی سەرجەم ناوەندەکانی خوێندن و باخچەکانی منداڵان لە قۆناغی 1 بۆ 12 تەنیا بۆ رۆژی یەکشەممە 12/2/2023 ” ئەمە بەپێی راگەیەندراوەکەی بەڕێوەبەرایەتیی پەروەردەی پێنجوێن.
لە سەرەتای ئەم مانگەوە، ئەمە دووەمجارە بەهۆی سەرما و بەفربارینەوە لە سنووری قەزای پێجوێن دەوامی خوێندنگەکان رادەگیرێت.
پێشتریش لە رۆژی 2ی شوبات بەهەمان هۆکار دەوامی پاش نیوەڕوان لە خوێندنگەکانی قەزاکە کرایە پشوو.