داهێنانی نوێی تێدایە
ڤێستیڤاڵی بەهارەی پەیمانگای پزیشکی هەولێر ئەنجام درا
964+
دەشتی عارف ـ هەولێر
پەیمانگای تەکنیکی پزیشکی هەولێر، هاوشێوەی ساڵانی رابردوو ئەمساڵیش ڤێستیڤاڵی بەهارەی سازکرد و تێدا هەشت بەشی پەیمانگا و چەند کۆمپانیایەکی تایبەتیش بەژداربوون.
دکتۆر تیران جەمیل، راگری پەیمانگای تەکنیکی پزیشکی هەولێر، قسەی بۆ 964 کرد و وتی، “ساڵانە ڤیستیڤاڵی لەو شێوەیە سازدەکەین و قوتابیەکانیشمان بە بابەتی پزیشکی و زانستی و هونەری بەژدارن”.
بەشێک لەو خوێندکارانەشی کە داهێنان و بەرهمیان دروست کردووە بۆ 964 باسیان لە بەرهەمەکانیان کرد و بە پێویستیان زانی کە چیتر یارمەتی بدرێن بۆ ئەوەی زیاتر داهێنان لە دروست کردنی کەرەستە و بەرهەمە پزیشکیەکان بکەن.
قوتابیانی زانکۆ و پەیمانگاکان ساڵانە لە مانگی سێ و چوار دەست دەکەن بە ئەنجامدامی ڤیستیڤاڵی بەهاری و تێدا ئەو کار و چالاکیانەی کە کردوویانە نمایشی دەکەن.
پێداچوونەوە: توانا نەقی
