سەروو 41 هەزار گەشتیار سەردانى زاخۆیان کردووە

وریا فەتاح

لەماوەى حەوت رۆژى رابردوودا، رۆژانە نزیکەى شەش هەزار گەشتیار سەردانى زاخۆیان کردووە کە زۆرینەیان گەشتیارى خوار و ناوەڕاستى عێراق بوون.

بەڕێوەبەرایەتى گشتى گەشتوگوزارى زاخۆى بڵاوى کردەوە، 41 هەزار و 600 گەشتیار لە ماوەى حەوت رۆژى رابردوو و پشووى جەژنى رەمەزان، سەردانى سنوورى ئیدارەى سەربەخۆى زاخۆیان کردووە.

ئامارەکە هى رۆژانى 29.3.2025 تا 4ـى نیسانى 2025ـە.

 گەشتوگوزارى زاخۆ بەم شێوەیە ئامارى گەشتیارانى تۆمار کردووە:

17 هەزار و 500 گەشتیار لە ناوخۆى هەرێمى کوردستانەوە سەردانى زاخۆیان کردووە و 22 هەزار و 950 گەشتیار خەڵکى باشوور و ناوەڕاستى عێراق بوون.

هاوکات یەک هەزار و 150 گەشتیار لە دەروازەى نێودەوڵەتى ئیبراهیم خەلیلەوە سەردانى ناوچە گەشتیارییەکانى زاخۆیان کردووە.

بەمەش، لەماوەى ئەو حەوت رۆژەدا، رۆژنە 5 هەزار و 942 گەشتیار، سەردانى سنوورى زاخۆیان کردووە.