به‌ربه‌ستى له‌به‌رده‌م رووماڵى میدیایی داناوه
وه‌زاره‌تى ته‌ندروستى ئاماده‌كارییه‌كانى خۆى بۆ رۆژانى جه‌ژن بڵاوكرده‌وه
964+
فه‌رهاد حه‌سه‌ن
وەزارەتی تەندروستی ئاماده‌كارییه‌كانى خۆى بۆ رۆژانى جه‌ژنى ره‌مه‌زان بڵاوكرده‌وه و به‌دروستكردنى لیژنه به‌داواداچوون له‌سه‌رجه‌م ناوه‌نده ته‌نردوستییه‌كانى هه‌رێم ده‌كات و ده‌شڵێت “بۆ هەر کارێکی پێویست و لەناکاو پێویستە هێڵی گەرمی پەیوەندی هەبێت.”
لە راگەیه‌ندراوێكی وەزارەتی تەندروستیدا، كە بۆ بەڕێوەبەرایەتییە گشتییەكانی خۆی لە تەواوی پارێزگا و ئیدارە سەربەخۆكان ناردووە، بەرنامە و پلانی خۆی بۆ پێشکەشکردنی خزمەتگوزاریی تەندروستی لە رۆژانی پشووی جەژن خستووەتەڕوو و جەختیشی كردووەتەوە، كە کاری پێویست ئەنجام بدەن بە جێبەجێکردنی تەواوی رێكارەكان.
ئەمبوڵانسەكان لە ئامادەباشیدا بن و گاز و بەنزینیان دابین بکرێت. لە هەمانكاتدا بەدواداچوونی بەردەوام بۆ پڕۆژەکانی خاوێنکردنەوە و دابینکردنی خۆراك بکرێت.
نەخۆشخانەکانی فریاکەوتن و نۆرینگە دەرەکییەکان کراوە بن و هەموو سەردان و زانیارییەکان تایبەت بە نەخۆش تۆمار بکەن. سەنتەرەکانی پێدانی چارەسەری کیمیاوی بۆ نەخۆشانی شێرپەنجە و سەنتەرەکانی شوشتنی گورچیلەش پێویستە بە شێوەی ئێشکگری کراوە بن.
پێویستە تیمەکانی پشکنینی ئاوی خواردنەوەی ماڵان و نەخۆشییە گوازراوەکان و چاودێریی تەندروستییش بەردەوام بن لە بەدواداچوونەکانیان بەشێوەی ئێشکگری، پێشکەشکردنی خزمەتگوزاریی تەندروستی بۆ ئاوارەکان لە کەمپەکان بەردەوام بێت و تیمی تەندروستی لە شوێنە گەشتیارییەکان دابنرێت، بۆ پێشکەشکردنی خزمەتگوزاریی تەندروستی بۆ باری لەناکاو.
ئاماژەى به‌وه‌كردووه، لە کاتی پێویستدا کۆگاکانی دەرمان و پێداویستیی پزیشکی و تاقیگەیی، لەسەرجەم شار و شارۆچکەکان کراوە دەبن، و پزیشکانی پسپۆڕ و نیشتەجێی دێرین و خولاو و پەرستار و کارمەندانی تەندروستی پابەند دەبن بە دەوامی ئێشکگری.
سەبارەت بە رووماڵ و كاری میدیایی، وەزارەتی تەندروستی ده‌ڵێت “هاتنە ژوورەوەی راگەیاندن تەنیا لە رێگای راگەیاندنی بەڕێوەبەرایەتییەکانه‌وه دەبێت.”
به‌پێویستیشی زانیوه كه ئاماری رۆژانە لە ماوەی 24 كاتژمێردا لە رێگای پەیوەندیی مۆبایلەوە لە كاتژمێر 8:00ـی بەیانی تاوه‌کو 8:00ـى به‌یانى رۆژی دواتر بۆ بەڕێوەبەرایەتییە گشتییەکان رەوانە بکرێت. بۆ ئەم مەبەستەش ”رۆژانە فۆرمی تایبەت بە ئامارەکان بۆ بەڕێوەبەرایەتییە گشتییەکان ڕەوانە بکرێت.“
لە رۆژانى جه‌ژندا زیاتر لە 400 منداڵى دهۆك تووشی سکچوون و رشانەوە بوون
18 بڕیار بۆ خزمه‌تگوزارى ته‌ندروستى له رۆژانى جه‌ژنی قوربان
