ته‌نیا له‌ماوه‌ى 23 رۆژى ئاگربه‌ستدا
رۆژانە لانیکەم 44 هێرشی جۆراوجۆر لەلایەن تورکیاوە بۆ سه‌ر ناوچەکانی گه‌ریلا ئەنجامدراوە
964+
فه‌رهاد حه‌سه‌ن
هێزەکانى پاراستنى گەل (هەپەگە) ده‌ڵێت، ته‌نیا لە قۆناغی ئاگربەستدا، سوپای تورکیا زیاتر له هه‌زار جار هێرش و بۆردومانى كردووه‌ته سه‌ر هەرێمەکانی پاراستنی میدیا و ئەوانیش وەڵامیان داوەتەوە.
هه‌په‌گه كه باڵى سەربازى پەکەکەیه له راگەیەندراوێکدا كه میدیاكانى نزیك له خۆیان بڵاویانكردووه‌ته‌وه، ته‌نیا له رۆژانى 22 و 23ـى ئه‌م مانگه لە چه‌ندین ناوچه‌ى هەرێمه‌كانی گارە، خواكورك، مەتینا وهەرێمی شەهید دەلیل نزیكه‌ى 80 جار بە فڕۆکەی جەنگی بۆردوومان کراون و به‌شێوه‌یه‌كی گشتیش له‌وه‌ته‌ى ئاگربه‌ست راگه‌یندراوه سوپاى توركیا هه‌زار و 24 جار بە چەکی قورس، تۆپ و هاوەن و فڕۆكه بۆردومانى ناوچه جیاوازه‌كانى كردووه.
رۆژى 1.3.2025، پەکەکە ئاگربەستى تاکلایەنەى راگەیاند، دواى دوو رۆژ لە بانگەوازە عەبدوڵا ئۆجەلان کە داواى چەکدانان و خۆهەڵوەشاندنەوەى پەکەکەى کرد، بەڵام تورکیا بەردەوامیدا بە هێرشەکانى.
رۆژى 14.3.2025 جەمیل بایك هاوسەرۆكی كۆنسەی بەڕێوەبەری كەجەكە رایگەیاندبوو، رۆژانه فرۆكەی توركیا بەسەریاندا دەسوڕێتەوە و بۆردومانیان دەكات، وتیشی “بەستنی كۆنگرە لەم دۆخەدا ئەستەم و مەترسیدارە، كۆنگرە دەبەستین ئەگەر مەرجەكانمان جێبەجێ بكرێت”.
لە گوهەرزێ شەڕەتەقە لە نێوان سوپای تورکیا و گەریلاکانی پە*کە*کە روویدا
"سوپای تورکیا سەدان داری بەرداری لە سنوری ئامێدی بڕیوەتەوە"
