200 سەرتاشی شارەزا کارەکە دەکەن
قۆڵی هیممەتیان هەڵماڵی و تا جەژن قژی 10 هەزار کەس بەخۆڕایی چاک دەکەن
964+
دیلان محەمەد – سلێمانی
200 سەرتاشی لێزان و بەتوانا قۆڵی هیممەت و مەردایەتیان هەڵماڵی بۆ ئەوەی قژی 10 هەزار کەسی هەژار و کەمدەرامەت بەخۆڕایی چاک بکەن و بۆ جەژنی رەمەزان قۆز و جوانیان بکەن.
رێکخراوی وای جی ئۆ (YGO) لە شاری سلێمانی هەستاوە بە ئەنجامدانی ئەو کارە خێرخوازییە و سەید بەڵێن، سەرۆکی رێکخراوەکە بە 964ـی وت، “هەڵمەتەکەیان لە قوتابخانەی حوزەیرانەوە دەستپێکردووە و بەشێک لە شوێنە گشتییەکان و شار و شارۆچکەکانی دیکەی سلێمانیش لەخۆ دەگرێت”.
باسی لەوەشکرد، 200 سەرتاش لە کوڕ و کچی بەتوانا کە مامۆستای پەیمانگان و ئەزمونێکی باشیان هەیە، خۆبەخشانە ئەو کارە دەکەن.
سەید بەڵێن وتیشی، سەرەتا بڕیاریانبووە قژی 50 هەزار کەس چاک بکەن، بەڵام بۆ ئەوەی کێشە بۆ کەسابەت و ژیانی سەرتاشەکان دروست نەکەن، ژمارەکەیان کەم کردووەتەوە بۆ 10 هەزار کەس.
پێداچوونەوە: شۆڕش قادری
