لە شیرینیخانەیەکی سلێمانی
ئەگەر کەمدەرامەتی بێ بەرامبەر شیرینی بەرەوە
964+
دیلان محەمەد جەزا
دوکانێکی شیرینی لە شاری سلێمانی فلێکسێکی هەڵواسیوە و دەڵێت، ئەگەر باری داراییت باش نییە فەرموو بێ بەرامبەر شیرینی بەرەوە.
هێمن ئیسماعیل لە شیرینی پۆشۆ بە 964ـی وت، ماڵ بە بەخشین کەم ناکات و هەر کەسێک باری دارایی باش نییە بێ بەرامبەر شیرینی بەرێتەوە.
باسی لەوەش کرد، ئەو کارەیان بۆ هاوکاری هاوڵاتییانە و ساڵێکی دیکە بەشێکی تایبەت بەو بابەتە دەکەنەوە.
دەشڵێت باوکی خۆی کوڕی فەقیر بووە، بۆیە زۆر بە گەرموگوڕییەوە پێشوازی لەو کەسانە دەکەن و بێبەرامبەر چییان دەوێت هەڵیبگرن.
پێداچوونەوە: توانا نەقی
