5 شوێنيش داخراون
له بازیان زیاتر له 10 تۆن په‌ینی كشتوكاڵى به‌سه‌رچوو ده‌ستى به‌سه‌رداگیراوه
964+
فه‌رهاد حه‌سه‌ن
قایمقامییه‌تى بازیان ئامارى لیژنه هاوبه‌شه‌كه‌ى بڵاوكرده‌وه كه له‌مانگى رابردوودا كارو چالاكییه‌كانیان چی بووه، ده‌ڵێت زیاتر له 10 تۆن په‌ینی كشتوكاڵى به‌سه‌رچوو ده‌ستى به‌سه‌رداگیراوه و پێنج شوێنكاریش داخراون.
ئاماره‌كه هی لیژنەی هاوبەشی تەندروست كه هاوشانى لیژنه‌كانى دیكه چاودێرى بازاڕ ده‌كه‌ن.
لیژنەكه له‌ماوه‌ى مانگى شوباتدا سەردانی دوکان، مارکێت، رێستۆرانت، نانەوا و سەمونخانەکان و ئارایشتگاو سەرتاشخانەکان و نوسینگەی کشتوکاڵی و سەرجەم شوێنە گشتییەکانیان كردووه.
له‌ماوه‌ى ئه‌م مانگەدا توانیویانه ده‌ست به‌سه‌ر نزیکەی 85 کیلۆگرام خواردەمەنی و کەلوپەلی نەشیاو و 10 تۆن و 800 کیلۆگرام پەین و مادەی کشتوکاڵیش كه بەسەر چوو و قەدەغەکراو بوو ده‌ستیان به‌سه‌ردا گیراوه.
دوو پسوڵەی غەرامە و چوار پسوڵەی ئاگاداركردنه‌وه بۆ شوێنەکان کراون و پێنج شوێنیش به‌هۆى پابه‌ند نه‌بوون به رێنمایه‌كان و سه‌رپێچیكردینان، داخران .
لە کاتی بوونی هەر سەرپێچییه‌ك هاوڵاتیان له قه‌زاى بازیان دەتوانن پەیوەندی بەم ژمارە مۆبایلەوە بكه‌ن بۆ ئاگادار کردنەوەی لیژنەی تەندروستی :
07703004764
پرۆژەى راکێشانی هێڵى 33 کەی ڤیی بەردەقارەمان – بازیان جێبەجێ کرا
شەوی رابردوو بەشێك لە قەزای بازیان و ناحیەی پیرەمەگروون بێ كارەبا بوون