سەرۆکى حکومەتی هەرێمی کوردستان: پشتگیرى لە هەر هەوڵێکى چارەسەرى ئاشتیانە دەکەین

964+

وریا فەتاح

لە دواى پەیامەکەى ئۆجەلان و هەنگاو بەرەو پڕۆسەى ئاشتى، سەرۆکى حکومەتى هەرێم پەیامێکى بڵاوکردە و تێدا پشتگیرى بۆ هەوڵى چارەسەرى ئاشتیانەى کێشەکان دەردەبڕێت.

مەسرور بارزانى لە پەیامەکەیدا رایگەیاندووە، پێشوازی و پشتگیریی لە هەر هەوڵێکی چارەسەری ئاشتیانەی کێشەکانی ناوچەکە دەکەم .

ئامادەیى هەرێمی کوردستانیش پیشان دەدات و وتویەتى، “هەرێمى کوردستان هەمیشە فاکتەرێکی گرنگی ئاشتی و تەناهی بووە لە ناوچەکەدا و لەم رووەوە، ئامادەیی خۆمان بۆ هەر هاریکاری و رۆڵێک لە سەرخستنی پرۆسەی ئاشتی لە تورکیا دەردەبڕین “.

ئەمڕۆ پێنجشەممە، عەبدوڵا ئۆجەلان رێبەرى زیندانیکراوى پارتى کرێکارانى کوردستان پەیامێکى بڵاوکردەوە و تێیدا داواى چەکدانانى پەکەکە و خۆهەڵوەشاندنەوەى کردووە.

نێچیرڤان بارزانى: داواكارين په‌كه‌كه‌ پابه‌ند و گوێڕايه‌ڵى په‌يامه‌كه‌ بێت