دیمەنێک لە یارییەکە فۆتۆ: پەیجی ریال مەدرید
ریال مه‌درید گه‌یشته یاری كۆتایی مۆندیال
964+
ئه‌رسه‌لان عه‌بدوڵڵا
یانه‌ی ریال مه‌درید له یاری پێش كۆتایی مۆندیالی یانه‌كان له یانه‌ی ئه‌هلیی میسریی برده‌وه و گه‌یشته یاری كۆتایی.
یارییه‌كه ئه‌مشه‌و له ریبات له مه‌غریب كرا و تێیدا یانه‌ی شاهانه بلیتی یاری كۆتایی به‌ده‌ستهێنا، دوای ئه‌وه‌ی به 4-1 گۆڵ یارییه‌كه‌ی له ئه‌هلیی پاڵه‌وانی ئه‌فریقا برده‌وه.
گۆڵه‌كانی ریال مه‌درید ڤینیسیۆس جۆنیۆر، ڤالڤێردی، رۆدریگۆ و ئه‌ریباس تۆماریان كرد، هه‌روه‌ها لوكا مۆدریچ لێدانێكی سزای له‌ده‌ستدا.
گۆڵه‌كه‌ی یانه‌ی ئه‌هلی یاریزان عه‌لی مه‌علول به په‌ناڵتی تۆماری كرد.
ریال مه‌درید شه‌ممه‌ی داهاتوو 11ی شوبات، یاری كۆتایی به‌رامبه‌ر یانه‌ی هیلالی سعوودی ئه‌نجامده‌دات.