لەتیف رەشید سەرۆک کۆماری عێراق
لە کۆڕبەندی هەولێر
سەرۆک کۆماری عێراق هۆشداری لە هەڕەشەی تیرۆر دەدات
964+
شۆڕش قادری
ئەمڕۆ سێیەمین کۆڕبەندی هەولێر بەڕێوەدەچێت و سەرۆک کۆماریش هۆشداری لە هەڕەشەی تیرۆر دەدات.
لەتیف رەشید سەرۆک کۆماری عێراق لەگەڵ ژمارەیەکی دیکە لە بەرپرسانی کوردستان و عێراق بەشداری سێیەمین کۆڕبەندی هەولێر کرد و لە وتارێکدا وتی، “تیرۆر هەڕەشەیە بۆ سەرتاسەری جیهان و بە تایبەتیش عێراق، بۆ شکستهێنان بە پیلانە دوژمنکارییەکانی تیرۆر پێویستمان بە یەکخستنی دیدگای سیاسی و هەوڵە نیشتمانییەکان هەیە”.
لە بەشێکی دیکەی وتارەکەیدا لەتیف رەشید باسی بارودۆخی فەڵەستینی کرد و رایگەیاند، نزیکەی یەک ساڵە ئەو وڵاتە رووبەڕووی پەلامار و ئاژاوە بووەتەوە و زۆربەی وڵاتانیش لێی بێدەنگن.
ئەمڕۆ چوارشەممە 26.2.2025 کۆڕبەندی هەولێر بەبەشداری نێچیرڤان بارزانی سەرۆکی هەرێمی کوردستان و بەرپرسانی باڵای عێراق و زیاتر لە 120 میوانی بیانی لە وڵاتە جیاوازەکان بەڕێوەدەچێت.
سەرۆکی عێراق داوای لە ناتۆ كرد توانای هێزە عێراقییەكان بەرزبكاتەوە
