بەشێک لەو پیازەی لەناوبرا لەلایەن لیژنەکانەوە وێنە: کۆنتڕۆڵی خۆری گەرمیان
لە توركیاوە هاتبوو
نزیکەی 100 تۆن پیاز و پەتاتە لەناوبران
964+
ژێوار خدر
کۆنتڕۆڵی جۆری بەروبومی کشتوکاڵیی عەلوەی کەلار نزیکەی 100 تۆن پەتاتە و پیازی لەناوبرد ، کە شیاو نەبوون بۆ خواردن.
محەمەد کوێخا زەند، بەڕێوەبەری کۆنتڕۆڵی جۆری بەروبوومی کشتوکاڵی گەرمیان بە 964ـی وت، ئێوارەی ئەمڕۆ یەکشەممە 23.2.2025، چوار بارهەڵگری گەورە لە بەرهەمی پیاز و پەتاتە دەستیان بەسەرداگیراوە، بەهۆی ئەوەی لە پشکنینی تاقیگە دەرنەچوون و شیاوی خواردن نەبوو.
وتیشی، پەتاتەکە مەوادی کیمیایی زۆربووە و بۆ خواردن نەشیاوە و زیانی هەیە بۆ تەندروستی هاوڵاتییان، بەپێی ئەو زانیارییانەی دەست ئێمە گەیشتووە لە وڵاتی تورکیاوە هاتووە، جگە لەوەش پیازەکە باش هەڵنەگیراوە و کۆن بووە، بۆیە هەردوو بەرهەمەکە کە بە هەردووکیان نزیکەی 100 تۆن دەبوون لەناوبراون.
