ئاستەنگی هاتوچۆ دروست بووە
رێگای چوون بەرەو چیای گۆیژە بەهۆی دروستبوونی شەختەوە داخرا
+964
ئەحمەد محەمەد _ سلێمانی
بەهۆی دروستبوونی مەترسی لەسەر شۆفێران و بەستنی رێگای دۆڵەمیران، رێگای گەیشتن بە چیای گۆیژە لەلایەن تیمەكانی هاتوچۆی سلێمانییەوە بەڕووی شۆفێراندا داخرا.
هاوكات كەشناسیی سلێمانی رایگەیاندووە، لە دوای درەنگانی ئێوارەوە رێگای ناوچە شاخاوییەكان و بە تایبەت چوون بەرەو گۆیژە مەترسی بەستن و شەختەیان بۆ دروست دەبێت، رێنمایی شۆفێرانیش دەكەن، لە ئاستی ناوچە شاخاوییەكاندا وریاتربن، چونكە ئاستی بینین بۆ 4-6 كیلۆمەتر كەم دەبێتەوە.
چەند رۆژێكە شەپۆڵێكی بەفر و سەرما رووی لە هەرێمی كوردستان كردووە و بەفر زۆربەی ناوچەكانی كوردستانی گرتووەتەوە.
پێداچوونەوە: ئەرسەلان عەبدوڵا
