پارێزگاری لە ریزبەندی یەکەمی کرد
شێروانە دێربی گەرمیانی بردەوە
میلاد جەلال – گەرمیان
ئەمڕۆ دووشەممە، لە خولی نایابی کوردستان، دێربی گەرمیان لە نێوان هەردوو یانەی رزگاری و شێروانە ئەنجامدرا، شێروانە بە دوو گۆڵ بەرامبەر بە یەک گۆڵ یارییەکەی بردەوە و پارێزگاری لە ریزبەندی یەکەمی کرد.
عادل عەلی، ڕاھێنەری یانەی شێروانە بە 964ى وت،”دەبوو ھەر گێمی یەکەم، یارییەکە یەکلایی بکەینەوە، بەڵام چانس یاوەرمان نەبوو”.
“لە گێمی دووەمی یارییەکە چەند گۆڕانکاریەکمان ئەنجامدا و لەدوا خولەکەکاندا توانیمان دوو گۆڵی یەک لەدوای یەک تۆمار بکەین و لە ربزبەندی خولی نایابی کوردستان بمێنینەوە”، عادل عەلی وای وت.
راھێنەر و یاریزانانی یانەی رزگاری ئامادە نەبوون لەسەر ئەنجامی یارییەکە ھیچ قسەیەک بکەن.
یانەی شێروانە بە 32 خاڵ لە ریزبەندی یەکەمی خولی نایابی کوردستانە و یانەی رزگاریش بە 25 خاڵ لە ریزبەندی چوارەمە.
پێداچوونەوە: شۆڕش قادری