گرافیک :964+
سه‌لاجه و ته‌باغ و ته‌له‌فزیۆن
وه‌زاره‌تى كار چەند پێداویستییەک ده‌داته ئاواره گه‌ڕاوه‌كانى شنگال
964+
فه‌رهاد حه‌سه‌ن
وه‌زاره‌تى كار و كاروبارى كۆمه‌ڵایه‌تى عێراق بڵاویكرده‌وه، ده‌ستیان به لیستى ناوى ئه‌و خێزانه ئاوارانه كردووه كه له كه‌مپه‌كانى هه‌رێمی كوردستان گه‌ڕاونه‌ته‌وه قه‌زاى شنگال و ئه‌وانیش وه‌ك هاوكاریكردن چه‌ند پێداویستییه‌كیان پێشكه‌ش ده‌كه‌ن.
به‌پێی ئه‌و لیسته‌ى بڵاوكراوه‌ته‌وه له قۆناغى یه‌كه‌مدا هاوكارى 250 خێزانى ئاواره‌ى گه‌ڕاوه بۆ شنگال ده‌كرێت.
كه‌لوپه‌له‌كان بریتین له سه‌لاجه‌یه‌كی ستوونى، ته‌باغى غاز و شاشایه‌كی پلازما.
داوا له‌و سه‌رۆك خێزانه گه‌ڕاوانه كراوه ئه‌وانه‌ى ناویان له لیسته‌كه‌دایه، سبه‌ى دووشه‌ممه 10.2.2025 كاتژمێر 10:00ـى سه‌رله‌به‌یانى سه‌ردانى نووسینگه‌ى شنگالى وه‌زاره‌ته‌كه‌یان بكه‌ن و ناسنامه‌ى بارى شارستانى یاخود كارتى نیشتمانیش له‌گه‌ڵ خۆیان ببه‌ن.
مه‌رجێكیى بۆ ئه‌و خێزانه ئاوارانه داناوه كه پێویسته ئه‌و كه‌سه‌ى ناوی له لیسته‌كه دایه خۆى ئاماده‌بێت بۆ وه‌رگرتنى پێداویستییه‌كان.
800 خێزانى ئاواره‌ى كه‌مپی سه‌رده‌شت له چیاى شنگال له دۆخێكی خراپدان
رێكخراوێكی ژینگه‌یی ده‌ڵێت: شنگال ده‌كه‌ینه به‌هه‌شتى سه‌وزایی
