دوای پێنج رۆژ لە ونبوونی گەنجەکەی ئاکرێ دۆزرایەوە
"سەلامەتە و باری تەندروستی جێگیرە"
دوای پێنج رۆژ لە ونبوونی، گەنجەکەی ئاکرێ دۆزرایەوە
964+
شۆڕش قادری
گەنجەکەی ئاکرێ دوای پێنج رۆژ لە بێسەروشوێبوونی دۆزرایەوە و پۆلیسیش دەڵێت، سەلامەتە و باری تەندروستی جێگیرە.
پێنج رۆژە گەنجێکى ئاکرێ بێ سۆراغە
ئەمڕۆ شەممە 8.2.2025 پۆلیسى ئاکرێ بڵاویکردەوە، گەنجێکى دانیشتووى قەزاکە بە ناوى مەحمود حاجى ماوەى پێنج رۆژە لەماڵ دەرچووە و نەگەڕاوەتەوە و لەو کاتەوە بێ سۆراغە.
کەمێک لەمەوبەر عیماد حوسێن زێباری وتەبێژی پۆلیسی ئاکرێ بە 964ـی وت، “بەهاوکاری خەڵکی ناوچەکە و هێزەکانمان گەنجەکە دۆزراوەتە و بە کەسوکاری شادبووەتەوە”.
سەبارەت بەهۆکاری ونبوونی ئەو گەنجە عیماد حوسێن، وتی، “ئەو گەنجە باری دەروونی تەواو نییە و پێشترێش چەند جارێک لەماڵ چووەتەدەر”.
ئاماژەی بەوەشکرد، ئەو گەنجە هەر لەناو قەزای ئاکرێ دۆزراوەتەوە، لە ئێستادا باری تەندروستی جێگیرە و سەلامەتە.
گەنجێکی 19 ساڵی دوو رۆژە ون بووە و سۆراغی نییە
