لە 11یەمین رۆژی مانگرتنیاندا
مانگرتووان چارەسەرە پزیشکییەکان رەتدەکەنەوە
964+
دیلان محەمەد – سلێمانی
لە 11یەمین رۆژدا مانگرتووان وەرگرتنی چارەسەری پزیشکی رەتدەکەنەوە و دەڵێن، “یان مردنێکی شکۆمەند یان جێبەجێکردنی داواکارییەکانمان بە سەربەرزی”.
ئەم هەڵوێستەی مانگرتووان لەوەوە سەرچاوەی گرتووە کە تاوەکو ئێستا هیچ لایەنێکی حکومەت بە فەرمی بەدەم داواکارییەکانیانەوە نەهاتووە و هیچ وەڵامێکییان نەدراوەتەوە.
هەرچەندە ئەو تیمە پزیشکییەی لەوێن دەڵێن، وەرنەگرتنی چارەسەرە سەرەتاییەکان مەترسی بۆ سەر ژیانی مانگرتووان دروست دەکات، بەڵام ئەوان سوورن لەسەر وەرنەگرتنی و دەڵێن، “ئەگەر مردین ئۆباڵمان لەئەستۆی هەردوو حکومەتی هەرێم و حکومەتی عێراقە”.
پێداچوونەوە: ژێوار خدر
