داهاتەکەی بۆ نەخۆشانی شێرپەنجەیە
لە رۆژی جیھانی شێرپەنجە پێشانگایەکی شێوەکاری لە بازاڕی کەلار کرایەوە
964+
میلاد جەلال – گەرمیان
لە رۆژی جیھانی شێرپەنجە قوتابخانەی ئانای ناحکومی پێشانگایەکی شێوەکاری لە بازاڕی کەلار کردەوە، زۆرینەی تابلۆکانی پێشانگاکە فرۆشراون و داھاتەکەی دەدرێتە نەخۆشخانەی ھیوا.
دیان برزو، سەرپەرشتیاری چالاکیەکە بە 964ـى وت، ”نزیکەی 60 تابلۆ لەلایەن 22 قوتابییەوە کێشراون، ماوەی دوو مانگە سەرقاڵی کێشانی تابلۆکانن”.
وتیشی، ئێمە نرخمان لەسەر تابلۆکان دانەناوە و هەرکەسێک بە ئارەزووی خۆی نرخیان بۆ دادەنێت و زۆرینەی تابلۆکانیش فرۆشراون، پارەی باشیش دانراوە، بەڵام نازانین گرانترین تابلۆ بەچەند بووە.
پێداچوونەوە: ژێوار خدر