پزیشكە هەرەناسراوەكەی هەولێر
964 هۆكاری گیانلەدەستدانی د. دەشتی دزەیی دەخاتەڕوو
دەشتی عارف ـ هەولێر
سەر لەبەیانی ئەمڕۆ شەممە 25.1.2025 دکتۆر دەشتی دزەیی لە تەمەنی 80 ساڵی کۆچی دوایی کرد، كە یەكێك بوو لە ناودارترین پزیشكەكانی كوردستان و شاری هەولێر و تەنانەت عێراق.
ئەحمەد دزەیی، برای دکتۆر دەشتی، هۆکاری مردنی براکەی بۆ 964 باس کرد و وتی، بەهۆی پاڵەپەستۆی خۆێنەوە گورچیلەکانی سست بوون، بڕیارمان دا گورچیلەی بۆ بچێنینەوە، بەڵام نەشتەرگەرییەکەی سەرکەوتوو نەبوو، بۆیە پێویست بوو هەموو رۆژێک گورچیلەکانی بشۆرێت، بەداخەوە ئەمڕۆش لە نەخۆشخانەی ژین کۆچی دوایی کرد و لە گۆڕستانی قورشاغلو لە شاری هەولێر دەنێژرێت.
دکتۆر دەشتی دزەیی لە دایک بووی ساڵی 1945ە، پسپۆڕ و راوێژکاری نەخۆشییەکانی هەناو بوو، جیا لەوەش مامۆستای زانکۆ بوو لە زانکۆی هەولێری پزیشکی و لە كۆتایی حەفتاکانی سەدەی رابردووەوە لە بواری پزیشکی خزمەتی بە هاوڵاتیان دەکرد و تا ئەم رۆژانەش بەردەوام بوو.
پێداچوونەوە: ئەرسەلان عەبدوڵا