• پرۆگرام
  • پەخش
  • راپۆرت
  • فیلم
  • هەواڵ
  • بازاڕ
  • ترێند
  • تەکنەلۆژیا
  • ژینگە
  • ناوخۆیی
  • هەواڵ
  • وەرزش
+964 - logo
+964 - logo
+964 - logo
پسووڵەی خۆراکی سلێمانی؛ ئێستا تەنیا دوو کارتان بۆ دەکەن

بەڕێەبەرایەتی بازرگانی خۆراکی سلێمانی - وێنە: پەیجی بەڕێوەبەرایەتییەکە لە فەیسبووک

ئاگاداری خەڵک دەکەنەوە

پسووڵەی خۆراکی سلێمانی؛ ئێستا تەنیا دوو کارتان بۆ دەکەن

964+
ئەحمەد مستەفا

پسووڵەی خۆراک لە سلێمانی، ئێستا دەتوانێ تەنیا پشتگیری ئەو کەسانە بکات کە کۆبۆنی خۆراکیان لە ماڵی باوکیان جیا نەکردووەتەوە، یان کوژاندنەوەی ناوی ئەو کەسانەی کە کۆچی دواییان کردووە.

کۆمپانیای خۆراکی سلێمانی، لە ئاگادارییەکدا رێنوێنییەکی نوێی لە بەشی پسووڵە دەرچواندووە کە 964 دەقەکەی وەرگرتووە و دەڵێ، لە ئێستادا تەنیا دەتوانین پشتگیری ئەو هاوڵاتیانە بکەین کە کۆبۆنی خۆراکیان “زەواج” جیانەکردوەتەوە لەسەر کۆبۆنی ماڵی باوکیانن.

هۆکارەکەی بۆ ئەوە گەڕاندووەتەوە، راگرتنی کارەکانیانە بەهۆی پڕۆسەی بە ئەلیکترۆنی کردنی، فۆڕم و مامەڵەی هاوڵاتیان.

جیاواز لە پشتگیرییەکە، پسووڵەی خۆراک دەڵێ، دەتوانین ناوی “مردووەکان” بکوژێنینەوە، ئەو کەسانەی دەیانەوێت کەسێکی خێزانەکەیان لەسەر فۆڕم و پسووڵە لابەرن دەتوانن سەردانیان بکەن.

کۆمپانیای خۆراک بە تکا کردن دەڵێ، تا ئەوکاتەی ئاگاداری بڵاو دەکرێتەوە، سەردانی کۆمپانیا مەکەن تەنیا بۆ ئەو کارانە نەبێت، کە روون کردنەوەمان لەسەری هەبووە.

زیاتر لە ساڵێکە سلێمانی چاوەڕوانی پسوڵەی ئەلیکترۆنیە

زیاتر لە ساڵێکە سلێمانی چاوەڕوانی پسوڵەی ئەلیکترۆنیە

بریکارانی بەشە خۆراک دەبێت بە ڤیزە کارد پارە بدەن

بریکارانی بەشە خۆراک دەبێت بە ڤیزە کارد پارە بدەن

کەس سەردانی پسووڵەی خۆراکی سلێمانی نەکات

کەس سەردانی پسووڵەی خۆراکی سلێمانی نەکات

تابلۆ کێشەکە: سێ مانگ خۆم شاردەوە

تابلۆی بەخشراوەکانی خانەقین سوڵحیشی تێ کەوتووە

964+

ڕاژان باجەڵان – خانەقین

تابلۆی بەخشراوەکانی خانەقین، گەرچی بووە بە بەشێک لە مێژووی شارەکە، بەڵام تازە بە تازە وێنەکێشەکەی ئاشکرای دەکات، کە گۆبەنێکی بۆ ناوەتەوە و بەهۆی هەڕەشەی بەشێک لە بەخشراوەکانەوە، سێ مانگ خۆی شاردووەتەوە.

تابلۆکە مێژوویەکی جیاواز هەیە بەهۆکاری ئەوەی ژمارەیەک لە بەخشراوەکان و کەسوکاریان سکاڵایان لەسەر وێنەکێشەکە تۆمار کردووە، کە وێنەی 24 بەخشرای تێدا کێشراوە و خەڵک بە “شێتەکانی خانەقین” ناوی دەبەن، کە رۆژانە لە ناوبازاڕ و شوێنە گشتییەکان بینراون.

ئەوە جگە لەوەی وەک مێژووی شارەکە کەم نین ئەو کەسانەی پاڵپشتی بیرۆکەی هونەرمەندەکە دەکەن، بەڵام تابلۆکە نیگەرانی لەلای بەشێک لە بەخشراوەکان دروست کردووە لە ماوەی رابردوودا.

ماجد شالیار بۆ 964ی گێرایەوە، ئەو تابلۆیە، لە ساڵی 1996-ەوە دەستی بە کێشانی کردووە و پاش ساڵێک لە 1997 تەواو بووە، تیایدا کۆپری گەورەی خانەقین دەرکەوتووە و لە بەردەمیدا ژمارەیەک لە بەخشراوەکانی خانەقین پاڵکەوتوون، لەسەر پردەکەش قەرەباڵەغییەکی زۆر هەیە، ئەوانە خەڵکی خانەقینن و ئەو بەخشراوانەیان خۆشدەوێ و وەستاون بە دیارییانەوە.

پاش تەواوبوونی تابلۆکە و بڵاوبوونەوەی وێنەکە لەناو خەڵک، رووداوێکی جیاواز روودەدات ژمارەیەک لە بەخشراوەکان، دەرگای ماڵی هونەرمەندەکەیان بە بەرد و دار گرتووە، ئەوان لە هزری خۆیان تابلۆکەیان بێ خراپ بووە، بەشێکیان بە هاوکاری کەسوکاریان سکاڵایان تۆمار کردووە لای پۆلیس، بەڵام دواتر کە تێگەشتن لەسەر بیرۆکەی کارەکە دروست بووە، لە ماوەی رابردوو بە سوڵح نێوەندگیری هەردوولا کراوە.

ماجد وەک خۆی دەیگێڕێتەوە، ماوەی سێ مانگ خۆی شاردووەتەوە تا بەخشراوەکان زەبری پێ نەگەیەنن، یەکێک لە بەخشراوەکانیش 21 دیناری لێ سەندووە، و پێی وتووە، “ئێستا تەعادول بووینەوە”.

ئەو تابلۆیە ئێستا لە مۆزەخانەی خانەقین دانراوە و رۆژانە خەڵکی خانەقین و میوانەکانی شارەکە دەیبینن، وە بەهۆی ئەو بیرۆکەیەوە، کێشە و گرفتەکانی بەخشراوەکان لە تابلۆیەکدا کۆکراوەتەوە و بووە بە شاکاری هونەرمەند ماجد شالیار.

پێداچوونەوە: ئەحمەد مستەفا

بە فێڵی پێدانی موچە؛ لە خانەقین پارە لە خەڵک وەرگیراوە

بە فێڵی پێدانی موچە؛ لە خانەقین پارە لە خەڵک وەرگیراوە

خانەقین 26 پلە گەرم بوو؛ بارانەکەش وا لە رێگەیە

خانەقین 26 پلە گەرم بوو؛ بارانەکەش وا لە رێگەیە

دوای 66 ساڵ بەشی راوێژکاری لە نەخۆشخانەی خانەقین کرایەو...

دوای 66 ساڵ بەشی راوێژکاری لە نەخۆشخانەی خانەقین کرایەوە