ئاوی تانجەرۆ. فۆتۆ: سۆشیاڵ میدیا
پشکنین بۆ ئاو و رووەکەکەی دەکرێت
وەزیرى ژینگەی عێراق هۆشداری دەدات لە پیسبوونی ئاوی تانەجەرۆ
+964
ژووری هەواڵ
وەزیری ژینگەی عێراق هۆشداری دەدات لە پیسبوونی ئاوی رووبارى تانجەڕۆ لە سلێمانی و دەڵێت، بۆ چارەسەرکردنی ئەو کێشەیە دەبێت هەنگاوی بەپەلە بنرێت و هەماهەنگی هەبێت لەسەر ئاستی ناوخۆیی و نێودەوڵەتی.
ئەمڕۆ یەکشەممە 19.1.2025، وەزیرى ژینگەی عێراق، لە سلێمانی لەگەڵ شاندێکی پرۆگرامی خۆراکی جیهانی و بەرپرسانی پارێزگاکە کۆبووەوە و بڕیاردرا چەند لیژنەیەکی هەماهەنگیی هاوبەش پێکبهێندرێت لە بارەی هۆکارەکانی پیسبوون و چارەسەرەکانی ئاوی رووبارى تانجەڕۆ.
ژینگەی پیسی هەولێر سەرۆکی حکومەتی هێنایە سەر خەت
هەڵۆ عەسکەری، وەزیرى ژینگەی عێراق لە راگەیەندراوێکدا دەڵێت، سبەی نموونە لە ئاو و رووەکی ناوچەکە وەردەگیرێت، لەپێناو زانینی ئاستی پیسبوونی ژینگەی سنوورەکە، بۆ ئەو مەبەستە تیمە ژینگەییەکان بە شێوەیەکی مەیدانیی پشکنینی کیمیایی، فیزیایی و بایۆلۆجی ئەنجامدەدەن.
لەو پشکنینانەدا ئاست و قەبارەی پیسبوونی ئاو و خاک بە شێوەیەکی ورد دەردەکەوێت، وەزیری ژینگەی عێراق وا دەڵێت.
بە وتەی وەزیری ژینگەی عێراق، “کێشەی پیسبوونی ئاوی تانجەڕۆ ساڵانێکی زۆرە بەردەوامی هەیە و کاریگەریی لەسەر کشتوکاڵ و ژینگە و سامانە ئاوییەکانی ناوچەکانی دەورووبەری رووبارەکە هەبووە”.
