سەرما دەگەڕێتەوە و بەفر و بارانبارینیش دەستپێدەکات

964+

شۆڕش قادری

تەنیا ئەمڕۆتان لەبەردەستدایە خۆتان بەنەبەر خۆر و کەمێک گەرمتان بێتەوە، چونکە لە سبەینێوە سەرما دەگەڕێتەوە و بەفر و بارانبارینیش دەست پێدەکاتەوە.

بەپێی پێشبینییەکانی کەشناسی، ئەمڕۆ ئاسمان ساماڵ و پەڵە هەور دەبێت، لەئێوارە و شەودا دەگۆڕێت بۆ نیمچە هەور، پلەی گەرماش  کەمێک بەرز دەبێتەوە بەراورد بە تۆمارکراوەکانى دوێنێ.

بەڵام سبەی دووشەممە، لەئەنجامى هاتنى کاریگەرى شەپۆلێکى باران بارین و بەفر بارین لەگەڵ بارستە هەوایەکى ساردى جەمسەری، ناوچەکەمان دەکەوێتە ژێر کەشێکى ناسەقامگیر.

بەپێی پێشبینییەکان، لەکاتەکانى بەرەبەیانى سبەینێ، ئاسمان هەور و سارد دەبێت و لە ناوچە شاخاوی و سنوورییەکان بەفر دەبارێت، دواتر و لەگەڵ زیادبوونى کاریگەرى ئەم شەپۆلە، باران بارین لە سەرجەم ناوچەکانی کوردستان دەستپێدەکات و لە سەنتەرى پارێزگاى دهۆکـیش ئەگەرى بەفر بارین هەیە.

کاریگەرى ئەم شەپۆلە تا شەوى دووشەممە بەردەوام دەبێت و پلەی گەرما پێنج بۆ هەشت پلە نزم دەبێتەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر: 16 پلەی سیلیزی

سلێمانی: 15 پلەی سیلیزی

دهۆک: 16 پلەی سیلیزی

کەرکوک: 18 پلەی سیلیزی

زاخۆ: 16 پلەی سیلیزی

هەڵەبجە: 15 پلەی سیلیزی

حاجی ئۆمەران: 6 پلەی سیلیزی

سۆران: 14 پلەی سیلیزی

گەرمیان: 19 پلەی سیلیزی

بەفر و باران بەڕێوەیە و سەرماشی لەگەڵدایە

کەشناسی: ئەمڕۆ بارانبارین دەستپێدەکاتەوە