داوای دامەزراندنی هەمیشەیی دەکەن
خۆبەخشانی نەخۆشخانەی هیوا لە سلێمانی گردبوونەوە
964+
دیلان محەمەد جەزا – سلێمانی
کارمەندانی خۆبەخشی نەخۆشخانەی هیوا گردبوونەوە و داوای دامەزراندن دەکەن و هەژماری ساڵەکانی خزمەتیان بۆ بکرێت.
هونەر جەلال نوێنەری خۆبەخشان بە 964ـی وت، ئەوان داوای دامەزراندنی هەمیشەیی دەکەن. تێیاندایە 10 ساڵە خۆبەخشە و مافی خۆیانە دابمەزرێن..
داوایەکی دیکەیان ئەوەیە کە ئەو ساڵانەی خزمەتیان کردووە بۆیا هەژمار بکرێت و بخرێتە سەر خزمەتی دامەزراندنەکەیان.
ئەو نوێنەرەیان ئاماژەی بەوەشکرد، ژمارەیان نزیکەی 230 کارمەندی خۆبەخشە و کە رێژەی لە 40%کارمەندانی نەخۆشخانەکە پێکدەهێنن.
پێداچوونەوە: توانا نەقی
