ئێمە پێتان دەڵێین بە نیازى چییە
لە رۆژى ڤالانتاین ئەمەل سەعید کوردە سوپرایزی بۆ گەنجان هەیە
964+
پەری ساڵح
خانمە هونەرمەند ئەمەل سەعید کوردە بە پرچی لولەوە بۆ رۆژی ڤالانتاین سوپرایزی بۆ گەنجە عاشقەکان هەیە و دەشڵێت، لێوان لێوە لە خۆشەویستی.
کلیپی “ئازیزترینی” نوێترین کاری ئەمەل سەعید کوردەیە کە هونەرمەند رۆژ کەریم ئاوازەکەی داناوە و بڕیاریداوە لە رۆژی ڤالانتاین بڵاویبکاتەوە.
لەبارەی کلیپەکەیەوە بەشی هونەری 964 بە نامەیەک لە ئەمەل سەعید کوردەیان پرسی و ئەویش وتی، هۆنراوەکەی لێوان لێوە لە عەشق و خۆشەویستی و بۆ عاشقانی شارمان دروستکردووە، کارێکی نازدارە و پێم وابوو بۆ ئەو رۆژە شیاوە.
جیاواز لە دەرکەوتنەکانی پێشووی لەم کلیپەدا ئەمەل سەعید کوردە پرچەکەی لول کردووە، پێی وتین، بە هەموو پێوەرەکان کارەکە گەنجانەیە و پێم باشبوو ستایلەکەم تەواو گەنجانە بێت، خۆشم حەزم بە پرچی لولە.
