دیمهنى چهند ئاژهڵێك لهوانهى كه دهستبهسهركراون... وێنه: سهرۆكایهتى شاره‌وانى هه‌ڵه‌بجه.
"خاوه‌نه‌كانیان سزا ده‌درێن"
شاره‌وانیى هه‌ڵه‌بجه 100 سه‌ر ئاژه‌ڵى ده‌ستبه‌سه‌ر كردووه
964+
فه‌رهاد حه‌سه‌ن
شاره‌وانیى هه‌ڵه‌بجه ده‌ستبه‌سه‌ركردنى 100 سه‌ر ئاژه‌ڵى راگه‌یاند و ده‌ڵێت له‌ناو بازاڕ و شوێنه گشتییه‌كان به‌ڕه‌ڵا كرابوون، بۆیه ده‌ستبه‌سه‌ریان كردوون.
به‌پێی ئه‌و وێنانه‌ى كه سه‌رۆكایه‌تیى شاره‌وانى هه‌ڵه‌بجه بڵاویكردووه‌ته‌وه، ته‌واوى ئه‌و ئاژه‌ڵانه‌ى ده‌ستبه‌سه‌ر كراون مانگا و جوانه‌گا و مێنگوینن.
ستافی بەشی زێدڕۆیی بە هاوکاری بەشی پۆلیسی شارەوانی، ئه‌م كاره‌یان كردووه.
پێشتر سەلام بیلال، سەرۆکى شارەوانیى هەڵەبجە له‌باره‌ى ئاژه‌ڵى به‌ڕەڵاوه به 964ـى وتبوو، گلەیی و گازاندەیەکی زۆری هاوڵاتیانیان بۆ دێت كه بێزارن بەهۆی بوونی ئاژەڵی بەڕەڵا لەناو کۆڵان و شەقامە گشتییەکان و زیانگەیاندن بە دارودرەختی باخچەکانی ناوشار.
وتبووشی “خاوەن مانگاکان سزاى پێبژاردنیان بۆ ده‌كرێت، كه لیژنەى پێبژاردن لەلایەن شارەوانییەوە بڕى سزاكگه‌ى بۆ دیاریکردوون.
“دواى ئەوەى لیژنەى غەرامە سزاکەى دیاریکرد و خاوەن مانگاکە پسوڵەى پێبژاردنەکەى وەرگرت و سزاکەی دا، دەتوانێت مانگاکەى وەربگرێتەوە” ئه‌مه‌ش قسه‌ى سەرۆکى شارەوانی هەڵەبجەیه.
ئاژه‌ڵى كێوی روویان له ئاوه‌دانییه‌كانى ناحیه‌ى سمیلان كردووه
ئه‌مڕۆ باسوخواسی ئاژه‌ڵى به‌ڕه‌ڵا له مزگه‌وته‌كانى سه‌یدسادق باسده‌كرێت
