دیمهنی كارمهندێك لهكاتى رێكخستنه‌وه‌ى سه‌وزایی.. وێنه: ئه‌ندازه‌ى پاڕكهكانى هه‌ولێر.
دوورگە ناوەندییەکانیش ده‌گرێته‌وه
هه‌ڵمه‌تى رێكخستنه‌وه‌ى سه‌وزایی بۆ پێنج شه‌قام و چوار گه‌ڕه‌كى هه‌ولێر ئه‌نجام ده‌درێت
964+
فه‌رهاد حه‌سه‌ن
له هه‌ولێر، تیمه‌كانى ئەندازەی پاركەكان روویان له چه‌ند شه‌قام و گه‌ڕه‌كێك كردووه بۆ رێكخستنه‌وه‌ى سه‌وزاییه‌كانیان و ئه‌م هه‌ڵمه‌ته‌یان دوورگه ناوه‌ندییه‌كانیش ده‌گرێته‌وه.
شەقامه‌كانی موسڵ، مەحکەمە، تایەفرۆشان، 100 مه‌ترى و شه‌قامى مه‌خمور، گەڕەکه‌كانیش بریتین له 32ـى پاڕک ، نەورۆز، کوردستان، کلک مشک، ئه‌و شوێنانه‌ن ئه‌مڕۆ سێشه‌ممه كاری رێكخستنه‌وه‌یان بۆ ده‌كرێت.
به‌ڕێوه‌به‌رایه‌تى ئه‌ندازه‌ى پاڕكه‌كان ده‌ڵێت، هەڵمەتى رێکخستنەوەی سەوزایی بریتیه لە تەقلیمکردن و بژارکردن و قۆرت لێدانی بن دارەکان و چاککردنی سیستەمی ئاودان بۆ ئه‌م شوێنانه ده‌گرێتەوە.
تەواوی دوورگە ناوەندییەکان و غاباتەکان و پاڕک و باخچەی نێو گەڕەکەکان کە لە سنووری ئه‌م شه‌قام و گه‌ڕه‌كانه‌ن هه‌مان كاریان بۆ ئه‌نجام ده‌درێت.
ئەندازەی پاركەكانی هەولێر دەیەوێت ژمارەیەکی پێوانەیی تۆمار بکات
