ڤیدیۆی بۆرودمانەکە ببینە
سایلۆی كۆبانێ لە لایەن توركیاوە بۆردومان كرا
964+
ئەرسەلان عەبدوڵا
سەرچاوەكانی هەواڵ لە رۆژئاوای كوردستان بڵاویان كردەوە، فڕۆكەی توركیا دەوروبەری شاری كۆبانێیان بۆردومان كردووە، لەوانەش سایلۆی شارەكە.
ئاژانسی هاوار دەڵێت، ئەمڕۆ هەینی 10.1.2025 فڕۆكە جەنگییەكانی توركیا بۆ جاری دووەم شارۆچكەی “سەڕین”یان لە باشووری كۆبانێ بۆردومان كردووە، هەروەها بۆردومانی سایلۆی شارۆچكەكە و دەوروبەریان كردووە.
سەرچاوەكە هەروەها ئەوەشی باس كردووە، هەر ئەمڕۆ فڕۆكە جەنگییەكانی توركیا گوندی ئوم خێریان لە گوندەواری شاری تەل تەمر لە ناوچەی جەزیرە بۆرودمان كردووە.
هاوكات هەر بە پێی سەرچاوەكە، تا ئێستا لە گوندەكانی باكووری بەنداوی تشرین، شەڕ و پێكدادان لە نێوان هێزەكانی سەر بە توركیا و ئەنجومەنی سەربازی منبج بەردەوامە.
