فەرشکردنی ناوقەڵا لە قۆناغی کۆتاییدایە

چەندین رێستۆرانت و کافێ لە سەر قەڵای هەولێر دەکرێتەوە 

964+

توانا نەقی

فەرشکردن و نۆژەنەکردنەوەی شەقامی سەرەکی ناو قه‌ڵاتى هه‌ولێر لە قۆناغی کۆتاییدایە و دوابەدوای ئەوەش چەندین رێستۆرانت و کافێی تیادا دەکرێتەوە.

پاریزگای هەولێر لەگەڵ بڵاوکردنەوەی چەند وێنەیەک رایگەیاند، فەرشکردنی شەقامە سەرەکیەکانی ناو قەڵا زۆری نەماوە و لە قۆناغی کۆتاییدایە.

دەشڵێت، بەکۆتا هاتنی فەرشکردنی ئەو شەقامە کە سیمایەکی جوان دەدات بە قەڵات و ئەو شوێنەوارە  گەروەیە لە ماوەیەکی نزیکدا چەندین رێستۆرانت و چێشتخانە و کافێ لەسەر قەڵاتی هەولێر دەکرێتەوە.

ئاماژەی بەوەشکردووە، بە کردنەوەی ئەو شوێنانە و تەواوکردنی نۆژەنکردنەوەکە قەڵا دەبێتە شوێنێکی گرنگی گەشتیاری نێو سەنتەری شاری هەولێر.