ئاماری لیژنە هاوبەشەکانی قائیمقامیەت
شەش هەزار و 488 سەرپێچی لە سلێمانی تۆمارکراون و 246 شوێنیش داخراون
964+
دیلان محەمەد – سلێمانی
لیژنە هاوبەشەکانی قایمقامیەتی سلێمانی، ساڵی رابردوو شەش هەزار و 488 سەرپێچیان تۆمار کردووە و 246 شوێنیشیان داخستووە.
گۆران قادر سەرۆکی لیژنە هاوبەشەکانی قایمقامیەتی سلێمانی ئاماری کار و چالاکییەکانیانی لە ساڵی 2024ـدا بۆ 964 خستەڕوو و وتی، “ساڵی رابردوو 84 هەزار و 694 سەردانمان هەبووە و شەش هەزار و 488 سەرپێچیمان تۆمارکردووە و 246 شوێنیش داخراون، بەهۆی پابەندنەبوونیان بە رێنماییەکانەوە”.
ئاماژەی بەوەش کرد، بەراورد بە ساڵی 2023 رێژەی سەرپێچییەکان لە شاری سلێمانی لە ساڵی رابردوودا کەمیکردووە.
“لە ساڵی 2024ـدا دەستمان بەسەر دوو شوێنی ساختەکردنی رۆن و زەیتی زەیتووندا گرتووە و 477 تۆن و 33 کیلۆگرام لە خۆراک و کاڵای بەسەرچووش لەناو براون”، گۆران قادر وای وت.
باسی لەوەش کرد، ئێستا هیچ کێشەیەکیان لە نرخ و کەمی غازی ماڵان نییە و توانیویانە سەقامگیری بە بواری غاز لە سلێمانی بدەن.
پێداچوونەوە: شۆڕش قادری
لە سلێمانی ژمارەیەک غازفرۆش لەبەرەبەری سەری ساڵدا قۆرخکاریان کرد؛ بۆیە سزا دران
