وەبەر‌هێنانی گەرمیان فەرمانبەرانی حکومەت لە پڕۆژەکان دەردەکات

964+

شۆڕش قادری

بە مەبەستی رەخساندنی هەلی کار بۆ دەرچووانی دانەمەزراو، بەڕێوەبەرایەتی گشتیی وەبەر‌هێنانی گەرمیان، فەرمانبەرانی حکومەت لە پڕۆژەکان دەردەکات.

لە نووسراوێکدا، کە ئاراستەی سەرجەم کۆمپانیاکان و وەبەرهێنەرانی سنووری گەرمیان کراوە و هونەر مەحمود بەڕێوەبەری گشتی وەبەرهێنانی گەرمیانی ئیمزای لەسەر کردووە، ئاماژە بەوەکراوە، “تێبینی ئەوە کراوە ستافی هەندێک لەو پڕۆژانەی لە قۆناغی جێبەجێکردنـدان،  فەرمانبەری حکومەتن و ئەوەش پێچەوانەی یاسای (رێکخستنەوەی کارمەندی میری)یە کە بەبەپێی یاساکە فەرمانبەری میری نابێت لە یەک کاتدا، دوو کاری جیاوازی هەبێت”.

بەڕێوەبەرایەتی گشتی وەبەرهێنانی گەرمیان داوا لە کۆمپانیاکان و وەبەرهێنەران دەکات، بە ئامانجی رێکخستنەوە و رەخساندنی هەلی کار بۆ کەسانی دانەمەزراو، لیستی ناوی کارمەندان و ئەندازیارانی سەر بە پڕۆژەکانیان بۆ بەڕێوەبەرایەتییەکە بنێرن.

دەقی نوسراوەکەی  بەڕێوەبەرایەتی گشتی وەبەرهێنانی گەرمیان لە خوارەوە:

بێ پارەیی پڕۆژەکانی گەرمیانی پەكخستووە

لە گەرمیان داوا لە خاوەن پڕۆژەکانی نیشتەجێبوون دەکرێت گرێبەستەکانیان رادەست بکەن