هەولێر
ئاگری دوکانەکانی شەقامی 100 مەتری کۆنترۆڵکرا
964+
دەشتی عارف – هەولێر
ئەو ئاگرەکەی لە چەند دوکانێکی جوانکاری ئۆتۆمبێل لە شەقامی 100 مەتری هەولێر کەوتەوە لەلایەن تیمەکانی بەرگری شارستانی ەوە کۆنترۆڵکرا.
موقەدەم شاخەوان سەعید وتەبێژی بەرگری شارستانی هەولێر بە 964ـی وت، بەپێی قسەی شایەتحاڵەکان ئاگرەکە بەهۆی زۆپای نەوتەوە دروست بووە و هیچ زیانێکی گیانی نەبووە تەنیا یەک دووکانی جوانکاری ئۆتۆمبێل سووتاوە و نەمانهێشت ئاگر بگاتە دووکانەکانی دیکە کە لەوێ بوون.
وتیشی، ئەوان خۆیان وەک بەرگری شارستانی لیژنە پێکدەهێنن و لە هۆکاری ئاگرەکە دەکۆڵنەوە.
پێداچوونەوە: توانا نەقی
