گواستیانەوە بۆ مەیدانە تازەکە
مەیدانی ئاژەڵانی سلێمانی بە تەواوی داخرا
964+
دیلان محەمەد جەزا
مەیدانی ئاژەڵانی سلێمانی بە تەواوی داخرا و هەندێک لە کاسبکاران جێگاکانیان گواستەوە بۆ مەیدانە تازەکەی نزیک دەمرکان.
فاروق ئەحمەد نوێنەری کاسبکارانی مەیدانی ئاژەڵان بە 964ـی وت، ئێستا بە تەواوی مەیدانی ئاژەڵان داخراوە و کەسی تیادا نەماوە، هەندێک لە کاسبکاران چونەتە مەیدانە نوێکەی نزیک دەمرکان.
باسی لەوەکرد، کاسبکاران زەرەرمەند بوون لەو گواستنەوەیە و هیچ قەرەبوویەک نەکرانەوە بەرامبەر لێسەندنەوەی جێگاکەیان و لە مەیدانە نوێیەکە بە نرخێکی گران دوکانیان پێ فرۆشراوە.
ئەوەی خستەڕوو، لە مەیدانە نوێیەکە دوکانێکی 70 مەتری بە 20 ملیۆن دینار پێیان فرۆشراوە و مانگانە دەبێت 100 هەزار دیناریش بدەن.
وتی:”بەهۆی ئەو گواستنەوەیە زۆرێک لە کاسبکاران بێ کار بوون و توانای کڕینی دوکانیان نەبووە لە مەیدانەکە و هەندێکی دیکە وازیان لە پیشەکە هێناوە”
پێداچوونەوە: توانا نەقی
