چەند باڵۆنێک گڕیان گرتبوو

“رووداوی ئارایشتگاکەی هەولێر هیچ زیانێكی نەبووە” 

964+

توانا نەقی

ئەمڕۆ لە یەکێک لە ئارایشتگاکانی هەولێر مەراسیمێکی ئاهەنگ بە بۆنەی رۆژی ئاڵاوە رێکخرابوو لە کۆتاییدا چەند باڵۆنێک تەقین و ئاگریان گرت و مەترسی دروست کرد.

ئارایشتگاکە روونکردنەوەی لەبارەی رووداوەکە بڵاوکردووەتەوە و دەڵێت، هیچ زیانێکی گیانی بەهۆی گڕگرتنی باڵۆنەکانەوە نەبووە.

ئارایشتگای دانیلا کەمێک پێش ئێستا لە پەڕەی تابەتی خۆی ئاماژەی بەوەکردووە،  ئەمڕۆ بەبۆنەی رۆژی ئاڵای پیرۆزی کوردستان و بوونی پەیجەکەمان بە 200 هەزار فۆڵۆوەرس، لەبەردەم ئارایشتگاکەمان ئاهەنگێکی بچکۆلانەمان لەگەڵ کارمەندەکان ئەنجامدا.

دەشڵێت، “لە کۆتایی ئاهەنگەکە چەند باڵۆنێک بەبێ هۆکار گڕیگرت، سوپاس بۆ خوای گەورە هیچ کەسێکمان زامدار نەبووە و هەموومان سەلامەتین”