ئێستا کاتی زێڕ کڕینە

+964
عادل کانەبی

ئەمڕۆ شەممە لەگەڵ دەستپێکردنی بۆرسەی جیهانی هەر ئۆنسەیەک بە 1864 دۆلار مامەڵەی پێوە کرا و نرخی نەوتی برێنتیش دابەزی بۆ 79 دۆلار.

لەوبارەیەوە، هەندرێن وەرتی سەرۆکی سەندیکای زێڕینگەران بە تۆڕی 964ی وت، نرخی ئۆنسەیەک زێڕ بەراورد بە دوو هەفتەی رابردوو نزیکەی 93 دۆلار دابەزیوە، جەختیشی لەوە کردەوە کە ئەم دابەزینە کاتییە و تا مانگی پێنجی ئەمساڵ چاوەڕوان دەکرێت نرخی زێڕ بگاتە سەروو دوو هەزار دۆلار.

نرخی زێڕ لە بازاڕەکانی هەرێمی کوردستان بۆ ئەمڕۆ شەممە بەم شێوەیەیە:
عەیارە 24 بە 495 هەزار دینار
عەیارە 21 بە 435 هەزار دینار
عەیارە 18 بە 370 هەزار دینار

بەراورد بە پێنجشەممەی رابردوو نرخی زێڕ دابەزینی زۆری بەخۆوە بینیوە، کە بەم جۆرە بوو:

عەیارە 24 بە 530 هەزار دینار
عەیارە 21 بە 480 هەزار دینار
عەیارە 18 بە 400 هەزار دینار