لە بازگەی بانی مەقان
34 باڵندەی کێوی راوکردبوو پێش ئەوەی ساغیان بکاتەوە دەستگیر کرا
964+
توانا نەقی
لە سنووری چەمچەماڵ هاوڵاتیەک دەستگیر کرا کە زیاد لە 30 باڵندەی کێوی راوکردووە و ویستوویەتی لە بازاڕدا بیانفرۆشێت بەڵام دەستیان بەسەردا گیرا.
ئەمڕۆ چوارشەممە، پۆلیسی دارستان و ژینگەی سلێمانی بڵاویکردەوە، لەلایەن ئاسایشی چەمچەماڵ بازگەی بانی مەقانەوە هاوڵاتیەکیان دەستگیر کردووە کە 34 باڵندەی کێوی راوکردووە.
دەشڵێت، ئەو هاوڵاتیە ویستوویەتی مامەڵەی کڕین و فرۆشتن بە ئەو باڵندانەوە بکات، جگەلەوانەش دەستیشگراوە بەسەر ماتۆڕسکیلێکدا.
بە فەرمانی دادوەر باڵندە کێوییەکان ئازاد کران و گەڕێندرانەوە ناو سروشت و راوچیەکەش پەڕاوی لێکۆڵینەوە بۆ کراوەتەوە لێپرسینەوەی لەگەڵ دەکرێت.
